इन्टरनेटको नयाँ युग सुरु: वर्ल्डलिंकले नेपालमा ‘6G Wi-Fi’ (WiFi 6) सेवा सार्वजनिक

काठमाडाैं, २५ कार्तिक । नेपालको अग्रणी इन्टरनेट सेवा प्रदायक कम्पनी वर्ल्डलिंक कम्युनिकेशन्स लिमिटेडले नेपालमा अत्याधुनिक वाईफाई ६ (WiFi 6) प्रविधि सार्वजनिक गरेको छ। कम्पनीले यसलाई ‘वर्ल्डलिंक 6G’ ब्रान्ड नाममा ल्याएको छ, जसले नेपाली उपभोक्ताहरूको इन्टरनेट अनुभवलाई नयाँ परिभाषा दिने दाबी गरेको छ।

आइतबार (कात्तिक २३ गते) काठमाडौंमा आयोजित एक विशेष समारोहका बीच यो नयाँ प्रविधि सार्वजनिक गरिएको थियाे।

मुख्य विशेषता र फाइदाहरू:

• ४०% बढी कभरेज: कम्पनीले दाबी गरेअनुसार यो प्रविधिले हालको WiFi 5 भन्दा ४० प्रतिशत बढी वाईफाई कभरेज प्रदान गर्छ, जसले घर वा कार्यालयको कुना-कुनामा पनि बलियो र स्थिर इन्टरनेट सिग्नल पुर्‍याउँछ।
• ४ गुणा थ्रुपुट (Performance): ‘वर्ल्डलिंक 6G’ ले ४ गुणासम्म छिटो प्रदर्शन (throughput) सुनिश्चित गर्नेछ।
• ७५% कम ल्याटेन्सी: यसले ७५ प्रतिशतसम्म ल्याटेन्सी (Lag) कम गर्नेछ, जसले गेमिङ, भिडियो कल र 4K/8K स्ट्रिमिङ जस्ता कार्यहरूमा उत्कृष्ट अनुभव प्रदान गर्छ।
• उपकरण व्यवस्थापन: WiFi 6 प्रविधि एकैपटक धेरै डिभाइसहरू (Devices) लाई कुशलतापूर्वक ह्यान्डल गर्न डिजाइन गरिएको छ।
• नोकिया राउटर: वर्ल्डलिंकले यो सेवाका लागि नोकिया (Nokia) सँग साझेदारी गरी Nokia G-1426G-A जस्ता वाईफाई ६ (WiFi 6) राउटरहरू प्रयोगमा ल्याएको छ।

प्रक्षेपण समारोहमा वर्ल्डलिंक कम्युनिकेशन्स लिमिटेडका अध्यक्ष तथा प्रबन्ध निर्देशक दिलीप अग्रवालले “वाईफाई ६ नेपालको स्मार्ट, द्रुत र प्रभावकारी डिजिटल जीवनतर्फको एक निर्णायक कदम हो” भन्दै कम्पनीको नवप्रवर्तन र ग्राहक सन्तुष्टिप्रतिको प्रतिबद्धता दोहोर्‍याएका थिए।

यससँगै कम्पनीले नयाँ ‘वर्ल्डलिंक 6G’ प्याकेज र योजनाहरू पनि घोषणा गरेको छ, जसको मूल्य र गतिको विकल्पहरू ग्राहकहरूले आफ्नो आवश्यकता अनुसार छनोट गर्न सक्नेछन्।