११ चैत्र २०८१, मंगलवार
नागरिक पोष्ट
शनिबार, १७ फाल्गुन २०८१
1191 views
1191 views
काठमाडौं । भारतको उत्तराखण्डमा पर्ने चमोलीमा हिमताल फुट्दा हिउँमा फसेका मध्ये चार जनाको मृत्यु भएको छ ।
हिउँमा फसेका ५५ जनामध्ये ५० जनालाई बाहिर निकालिएको र जसमध्ये चार जनाको मृत्यु भएको बीबीसीले जनाएको छ ।
अन्य नागरिक बचाउनका लागि सर्च अपरेसन जारी छ । जसको नेतृत्व सेनाको आईबीईएक्स ब्रिगेडले गरेको छ । फसेका मध्ये पहिले घाइते नागरिकको उद्धार कार्य भइरहेको छ ।
हिउँमा फसेका नागरिकको उद्धारका लागि ६ हेलिकप्टरहरू तैनाथ गरिएको छ । अहिले पनि बेपत्ता भएका पाँच जनाको खोजीका लागि सेनाले अभियान चलाइरहेको छ ।
