९ कार्तिक २०८१, शुक्रबार
काभ्रेपलाञ्चोक । मदन भण्डारी स्मृती दिवसको अवसर पारेर नेकपा एमाले चौंरीदेउराली पालिका कमिटिले वृक्षा रोपण कार्यक्रम सम्पन्न गरेको छ ।
बृक्षा रोपण कार्यक्रमको नेतृत्व केन्द्रीय सदस्य तथा पूर्व सांसद नविना लामाले गरेकी थिईन् । बोट विरुवा जीवनको लागि महत्वपुर्ण भएको बताउँदै आयोजक टिमले चौंरीदेउराली पालिकाको देउरालीस्थित प्रहरी कार्यालयको परिसरमा वृक्षा रोपण गरेको हो । आयोजक टिमले सोही पालिकाको वडा नं । ६ र ७ का कृषकहरुलाई बिभिन्न प्रजातिका फलफूलका विरुवा जस्तै एभोकाडो, लिची, कागती आदि वितरण समेत गरेका थिए ।
कार्यक्रममा स्थानीय जनताहरुको उत्साहपुुर्ण सहभागी रहेको थियो । कार्यक्रममा पूर्व सांसद पार्वती बिशुखे, प्रदेश कमिटी सदस्य ठाकुर बास्कोटा र चुडामणी गौतम, पालिका कमिटी अध्यक्ष बलराम ढुंगाना सचिव तिलक बहादुर गौतम र समाजसेवी यादव प्रसाद कोइरालाका साथै प्रहरी चौकी देउरालीका इन्चार्ज धर्मेन्द्र अकोलिया लगायतको सहभागिता रहेको थियो ।
नागरिक पोष्ट
