फ्रान्सका प्रधानमन्त्रीविरुद्ध अविश्वास प्रस्ताव पारित

फान्स । प्रधानमन्त्री माइकल बार्नियरले विश्वासको मत पाउन नसकेपछि फ्रान्समा सरकार विघटन भएको छ।

राष्ट्रपति एमानुएल म्याक्रोनले उनलाई नियुक्त गरेको तीन महिनापछि बुधबारको संसदले उनलाई विश्वासको मत दिन अस्वीकार गरेको हो।

मतदान बिना नै बजेट पास गर्न खोजिएपछि विपक्षी दलहरूले उनको विरुद्धमा अविश्वास प्रस्ताव दर्ता गरेका थिए।

सन् १९६२ पछि अविश्वास प्रस्ताव मार्फत संसद् विघटन भएको यो नै पहिलो पटक हो। पछिल्लो राजनीतिक घटना क्रमले फ्रान्समा राजनीतिक अस्थिरता निम्तिएको छ। फ्रान्सको संसदमा कसैको पनि बहुमत छैन।

अविश्वास प्रस्ताव पारित हुनका लागि २८८ मत आवश्यक थियो। ३३१ जना प्रस्तावको पक्षमा थिए। म्याक्रोनले अर्को प्रधानमन्त्री नियुक्त नगरेसम्म उनी कामचलाउ प्रधानमन्त्री हुनेछन्।

आर्थिक सुधा भन्दै बार्नियरले सो बजेट ल्याए पनि वामपन्थी र उग्र दक्षिण पन्थी दुवैको पहलमा सो अविश्वास प्रस्ताव ल्याइएको थियो। फ्रान्समा वामपन्थी गठबन्धन न्यु पपुलर फ्रन्ट (एनपिएफ)ले सबै भन्दा धेरै सिट जिते पनि म्याक्रोनले मध्यमार्गी बार्नियरलाई प्रधानमन्त्री नियुक्त गरेका थिए।

६० अर्ब अमेरिकी डलरको घाटा बजेट ल्याइएको भन्दै दक्षिण पन्थी नेसनल रेलीले त्यसलाई अस्वीकार गरेको थियो। आररेनका नेता मार्टिन ले पेनले सो बजेट फ्रान्सका लागि अभिसाप भएको बताएकी छिन् । मतदानको समयमा बार्नियुरले उनी पदमुक्त हुनु नै सबै समस्याको समाधान नभएको बताए। अहिले फ्रान्स ऋणको समस्यामा रहेको यथार्थलाई बुझ्न आवश्यक रहेको कुरालाई उनले जोड दिए।

लेन पेनले एक अन्तरवार्तामा बार्नियरको पदमुक्ति बाहेक अन्य केही समाधानको बाटो नै नभएको बताउँदै आएकी थिइन्।