नागरिक पोष्ट
शुक्रबार, १५ असार २०८१
4336 views
4336 views
काठमाडौं । आईसीसी टी-२० विश्वकप क्रिकेटको फाइनल अगाडिका ५४ वटा खेलमा ५०२ छक्का र ९३५ चौका प्रहार भएका छन्।
वेस्ट इन्डिजका निकोलास पुरणले सर्वाधिक धेरै १७ वटा छक्का हिर्काएका छन्। बढी छक्का हिर्काउने खेलाडीको दोस्रो नम्बरमा अफगानिस्तानका रहमानउल्लाह गुरबाज छन्। उनले १६ वटा छक्का प्रहार गरेका छन्। तेस्रो नम्बरमा अस्ट्रेलियाका ट्रेभिस हेड र भारतका रोहित शर्माले समान १५-१५ वटा छक्का प्रहार गरेका छन्।
अमेरिकाका आरोन जोन्सले १४ छक्का हिर्काउँदा दक्षिण अफ्रिकाका क्विन्टन डि ककले १२ छक्का प्रहार गरेका छन्। अमेरिकाका एजीएस गौसले ११ छक्का प्रहार गरेका छन्। वेस्ट इन्डिजका साही होप, अस्ट्रेलियाका मार्कस स्टोइनिस, इंग्ल्यान्डका जोस बटलर, फिल्ड साल्ट, भारतका सूर्यकुमार यादवले समान १०-१० छक्का प्रहार गरेका छन्।
ट्रेभिस हेडले हिर्काए २६ चौका
सुपर-८ बाट बाहिरिएको अस्ट्रेलियाका ओपनर ट्रेभिस हेडले सर्वाधिक २६ वटा चौका हिर्काएका छन्। उनी फाइनल अगाडि सबैभन्दा धेरै चौका प्रहार गर्ने खेलाडीको शीर्ष स्थानमा छन्। छक्का प्रहार गर्ने खेलाडीको सूचीको तेस्रो नम्बरमा रहेका उनले सबैभन्दा बढी चौका प्रहार गरेका हुन्।
चौका प्रहार गर्ने सूचीमा अफगानिस्तानका इब्राहिम जाद्रान छन्। सेमिफाइनलमा दक्षिण अफ्रिकासँग स्तब्ध भएको अफगानिस्तानका लागि उनले २५ वटा चौका प्रहार गरेका छन्।
तेस्रो र चौथो नम्बरमा रहेका भारतका रोहित शर्मा र इंग्ल्यान्डका जोस बटलरले समान २२-२२ वटा छक्का हिर्काएका छन्। पाँचौ नम्बरमा अमेरिकाका एजीएस गौस छन्। सुपर ८ बाट बाहिरिएको अमेरिकाका लागि उनले २० चौका प्रहार गरेका हुन्।
विकेटतर्फ भने अफगानिस्तानका फजलहक फारुकी पहिलो नम्बरमा छन्। उनले ८ खेलमा १७ विकेट हात पारेका छन्।
