१३ कार्तिक २०८१, मंगलवार
काठमाडौँ– वान लेग कत्थक नृत्याङ्गनाका रुपमा आफूलाई स्थापित गरेकी सीता सुवेदीको रोइला लोक भाकामा ‘मार्याै आँखा झिमिक्कै’ सार्वजनिक भएको छ ।
म्युजिक भिडियोसहित सार्वजनिक भएको गीतमा स्वर सुवेदी र दामोदर भण्डारीको रहेको छ भने शब्द रचना मानकाजी शाक्यको छ । गीतमा सङ्गीत सुवेदीकै रहेको छ ।
गीतको भिडियो निर्देशन खत्रीले गरेका छन् भने छायाङ्कन र सम्पादन केशव विश्वकर्माको रहेको छ ।
ठट्यौली र प्रेमको विषयमा बुनिएको गीतमा सुवेदीसँगै कलाकार सरोज लामिछाने, दिपक न्यौपाने लगायतका कलाकारहरुको अभिनय देख्न सकिन्छ ।
पछिल्लो समय मोडलका रुपमा समेत परिचित सुवेदी ‘मिसेस नेपाल इन्टरनेशनल २०२३’ कि विजेता समेत हुन् । त्रिभुवन विश्वविद्यालयको ललितकला केन्द्रीय विभाग अन्तर्गत संगीतमा उनले स्नातकोत्तर समेत गरेकी छिन् ।
उनका झण्डै आधा दर्जन गीतहरु रेकर्ड भएका छन् ।
नागरिक पोष्ट
