७ कार्तिक २०८१, बुधबार
काठमाडौं । गृहमन्त्री रवि लामिछानेले आज दिउँसो गर्ने भनिएको निर्वाचन आयोगसँगको छलफल दुई दिनपछि सरेको छ ।
प्रस्तावित निर्वाचन कानूनका विषयमा परामर्शका लागि आज दिउँसो मन्त्री लामिछाने आयोग जाने कार्यक्रम थियो ।
‘मन्त्रीज्यू समितिको काममा व्यस्त हुनुभएको खबर आयो’ निर्वाचन आयोग स्रोतले खबरहबसँग भन्यो,‘ आजको कार्यक्रम आइतबार बिहान ११ बजेका लागि सारिएको छ ।’
आइतबार आयोगमा गृहमन्त्री लामिछानेलाई प्रमुख निर्वाचन आयुक्त दिनेशकुमार थपलियाले प्रस्तावित निर्वाचन व्यवस्थापन विधेयक र राजनीतिक दलसम्बन्धी ऐनका विषयमा प्रस्तुतीकरण गर्ने कार्यक्रम छ ।
नागरिक पोष्ट
