४ चैत्र २०८१, मंगलवार
नागरिक पोष्ट
मंगलवार, ४ चैत्र २०८१
1956 views
1956 views
काठमाडौं, ५ चैत्र। नेपाल निर्माण व्यवसायी महासंघका अध्यक्ष रवि सिंहले कार्टेलिङ गरेर रड सिमेन्टको मूल्य बढाइएको भन्दै त्यस्ता उद्योगीलाई कारवाही गर्न माग गरेका छन् ।
प्रतिनिधि सभाको उद्योग तथा वाणिज्य र श्रम उपभोक्ता हित समितिले मंगलबार आयोजना गरेको बैठकमा बोल्दै अध्यक्ष सिंहले कार्टेलिङ गरेर सिमेन्ट र डण्डीको मूल्य बढाउँदा निर्माण क्षेत्रलाई थला पार्न खोजेको आरोप लगाए ।
उनले बढाइएको मूल्य अविलम्ब खारेज गरी कार्टेलिङ गर्ने उद्योगीलाई कारवाहीका लागि निर्देशन दिन सम्बन्धित निकायलाई अनुरोध गरे ।
बैठकमा सिमेन्ट उद्योगी ध्रुव थापाले घाटामा उद्योग चलिरहेकोले अझै मूल्य बढ्ने बताए । उनले प्रति बोरा १५०० रुपैयाँ घाटा खाएर सिमेन्ट विक्री गर्दै आएको बताए ।
सित्तैमा दिन नसकिने भन्दै उनले अनावश्यक मूल्य बृद्धि भएको भए छानविन गर्न सरोकार निकायलाई चूनौती दिए ।
