७ कार्तिक २०८१, बुधबार
काठमाडौं । नेपाली कांग्रेस केन्द्रीय कार्यसमितिको बैठक आज पनि बस्दै छ। बैठक बिहान ११ बजे पार्टी केन्द्रीय कार्यालय सानेपामा सुरु हुनेछ।
आजको बैठकमा पनि ११ वटा विभिन्न एजेण्डामाथि नेताहरुले आफ्नो धारणा राख्ने क्रम जारी रहने बताइएको छ।
गत बुधबार सुरु भएको बैठकमा पेश भएका ११ वटा विभिन्न प्रस्तावित विषयहरूमाथि केन्द्रीय सदस्यहरुले धारणा राखिरहेका छन् ।
बैठकले गत फागुनका सम्पन्न महासमितिले पारित गरेका प्रतिवेदनलाई पनि परिमार्जनसहित पारित गर्ने तयारी छ।
आज सबै नेताहरुको धारणा सुनिसकेपछि नेतृत्वले जवाफ दिने र आज नै बैठक सक्ने तयारी रहेको छ।
नागरिक पोष्ट
