नागरिक पोष्ट
आईतवार, १७ असार २०८१
3809 views
3809 views
काठमाडाैं । साताको काराेबारकाे पहिलो दिन आइतबार नेपाल स्टक एक्सचेञ्ज ‘नेप्से’ परिसूचक दाेहाेराे अंकले घटेकाे छ । आज नेप्से १४.८३ अंकले घटेर २ हजार ३७ दशमलव ०९ बिन्दुमा खुम्चिएकाे हाे ।
आज काराेबार भएकाे बजारमा ४९ कम्पनीकाे सेयर मूल्य बढेकाे छ भने १९० वटाकाे घटेकाे छ । यस्तै ७ कम्पनीकाे सेयर मूल्य स्थिर रहेकाे छ ।
सबैभन्दा धेरै गुमाउनेमा मनकामना स्मार्ट लघुवित्तका लगानीकर्ता छन्। यो कम्पनीको सेयर भाउ ९.३० प्रतिशतले घटेको छ । घटेकाे बजारमा मुक्तिनाथ कृषि कम्पनीकाे सेयर मूल्य भने ७.०६ प्रतिशतले उकालो लागेको छ।
आज काराेबार रकममा पनि गिरावट आएकाे छ । ९१ लाख ७८ हजार ८ सय ९५ कित्ता सेयर खरिदबिक्रि हुँदा ३ अर्ब ६० करोड ७१ लाख रुपैयाँको कारोबार भएको छ। जुन मंगलबारको तुलनामा करिब १३ करोड कम हो।
गत बिहिबार ८९ लाख एक हजार एक सय ९५ कित्ता शेयर ३ अर्ब ७१ करोड ५९ लाखको कारोबार भएको थियो ।
