७ कार्तिक २०८१, बुधबार
काठमाडौं । नेकपा एमालेको काठमाडौं महानगर अन्तरतग १६ नम्बर वडाको एघारौं अधिवेशनबाट जयप्रकाश श्रेष्ठ निर्वाचित हुनुभएको छ । वडा कमिटी सचिव रहेका श्रेष्ठलाई बन्दसत्रले सर्वसम्मत अध्यक्ष चयन गरेको हो । बन्दसत्रले अध्यक्ष श्रेष्ठ लगायत ४४ जनाको वडा कमिटि निर्माण गरेको छ । जसमध्य अध्यक्ष्यमा जयप्रकाश श्रेष्ठ, उपाध्यक्षमा सुनिल केसी, सचिवमा रणेन्द्र महत, उपसचिवमा समिर भण्डारी र लुना श्रेष्ठ हुनुहुन्छ ।
सर्वसम्मत अध्यक्षमा निर्वाचित भएसँगै श्रेष्ठले नयाँ मार्ग अनलाइनसँग कुरा गर्दै वडा नम्बर १६ मा भएको मतभेद अन्त्य गरेर अगाडि बढ्ने बताउनुभयो । “म तीन वर्षको कार्यकालका लागि निर्वाचित भएको छु । अब कमिटिमा विगतमा भएको मतभेदलाई अन्त्य गरेर पार्टीलाई एकढिक्का र बलियो बनाउनुपर्ने जिम्मेवारी आएको छ । यो मेरा लागि चुनौति र अवसर दुवै हो । अब मेरो पहिलो जोड आजकै दिनबाट मिसन ८४ लाई मध्यनजर गरेर व्यवापक संगठन निर्माणमा गर्नुहुन्छ । यो वडामा विगतको विरासत फिर्ता गर्ने मेरो पहिलो सपना छ ।” उहाँले भन्नुभयो, “हामीले विगतमा आफैभित्रको कमजोरीका कारण संघ, प्रदेश र वडाको चुनावमा पराजित हुनुपरेको छ । मेरो भूमिका वडा १६ मात्रै हैन, निर्वाचन क्षेत्र ७ मा संघ, प्रदेश र स्थानीय सबै क्षेत्रमा नेकपा एमाले पार्टीलाई पहिलो नम्बरमा ल्याउने हुन्छ । यसका लागि सबैसँग सहकार्य गरेर, जनताको घरदैलोमा पुगेर समस्या के छन् बझ्ने र समस्याको समाधानका लागि सम्पूर्ण शक्ति लगाएर काम गर्ने मेरो योजना छ ।”
नागरिक पोष्ट
