नागरिक पोष्ट
बुधबार, २१ चैत्र २०८०
6070 views
6070 views
काठमाडौं, २० चैत । सन् २०२४ को मार्च महिनामा १ लाख २८ हजार पर्यटकले नेपाल भ्रमण गरेका छन् । मार्च २०२४ मा १ लाख २८ हजार १ सय ६७ पर्यटक नेपाल भित्रिएको नेपाल पर्यटन बोर्डले जनाएको छ ।
यस वर्ष गत वर्षको तुलनामा २८।९ प्रतिशतले पर्यटक आगमन बढेको छ । सन् २०२३ मार्चमा ९९ हजार ४ सय २६ पर्यटक नेपाल आएका थिए ।
पछिल्लो समय नेपाल भित्रिने चिनीयाँ पर्यटको संख्या बढ्दै गएको छ ।मार्चमा भारतबाट ३० हजार ६ सय ९८, चीनबाट १२ हजार ९२, अमेरिकाबाट १० हजार ७ सय ६३, बेलायतबाट ७ हजार २ सय ४१, श्रीलंकाबाट ५ हजार ७ सय ४१, जर्मनी ५ हजार २ सय ५५, थाइल्यान्डबाट ४ हजार ५ सय ६७, अस्ट्रेलिया ३ हजार २ सय ४० र म्यानमारबाट ३ हजार ३१ पर्यटक नेपाल भित्रिएका छन् ।
गत जनवरीमा ७९ हजार १ सय पर्यटक र फेब्रुअरीमा ९७ हजार ४ सय २६ नेपाल भित्रिएका थिए । यसअनुसार नेपालमा तीन महिनामा ३ लाख ४ हजार ६ सय ९३ पर्यटक आएका छन् ।
