नागरिक पोष्ट
शनिबार, १७ चैत्र २०८०
7940 views
7940 views
काठमाडौं– मल्टिस्टारर चलचित्र ‘पुजार सार्की’मा नायक पल शाह ‘मेघराज खत्री’ को भूमिकामा देखिने भएका छन् । निर्देशक दिनेश राउतले शनिबार पलको चरित्र खुल्ने तस्बिर सार्वजनिक गर्दै उनको भूमिकाबारे जानकारी दिएका हुन् ।
पल मेघराजको भूमिकामा काँधमा बन्दुक बोकेर नदी किनारामा हिँडिरहेका देखिन्छन् । शिरमा भादगाउँले टोपी लगाएका उनले जरिकोट नभएको कोट, कमिज र पाइन्ट लगाएका छन् ।
यसअघि निर्माण पक्षले नायक आर्यन सिग्देल र प्रदीप खड्काको पात्रबारे जानकारी दिइसकेको छ ।
निर्देशक राउतले चलचित्रलाई जातीय विभेद विरुद्ध समाजका तीन पात्रहरूले गर्ने साझा सङ्घर्षको कथा रहेको बताएका छन् । उनले मेगराजले के कस्तो सङ्घर्ष गर्नुपरेको छ, त्यो थाहा पाउन प्रतीक्षा गर्न दर्शकलाई आग्रह गरेका छन् ।
केही दिनमा चलचित्रको प्रदर्शन मिति तोक्ने तयारीमा निर्माण पक्ष रहेको बुझिएको छ । तीन नायक बाहेक अन्जना बराइली र परीक्षा लिम्बूको पनि मुख्य भूमिकामा रहने बताइएको छ ।
किङ्गडम नेटवर्कको ब्यानरमा बन्ने यस विकास सुवेदीले लेखेका हुन् भने सुभास भुसालको लगानी रहने छ ।
