६ कार्तिक २०८१, मंगलवार
रौतहट। रौतहटमा शिवम मनि ट्रान्सफरका सञ्चालक नितेश साहमाथि लुटेरा समूहले गोली प्रहार गरेको छ । रौतहटको परोहा नगरपालिका–९ रामपुरखाप स्थित मनि ट्रान्सफरमा शुक्रबार दिउँसो १ बजे लुटेराहरुले गोली हानेका हुन् ।
जिल्ला प्रहरी कार्यालय रौतहटका प्रहरी उपरिक्षक महेन्द्र कुमार श्रेष्ठका अनुसार गोली लागि घाइते भएका साहलाई उपचारका लागि वीरगञ्ज पठाइएको छ । उनले खबरहबसँग भने ‘उहाँको अवस्था चिन्ताजनक छ । कन्चटमा गोली लागेको छ ।’
प्रहरीका अनुसार घटनामा संलग्न तीन जनालाई नियन्त्रणमा लिइएको छ । उनीहरुको साथबाट एक थान कटुवा पेस्तोल पनि बरामद गरेको छ ।
श्रेष्ठका अनुसार मनिष कुमार, राजकुमार कुसुहा र चन्द्रमान सिंहलाई घटनामा संलग्न भएको आरोपमा पक्राउ गरीएको हो ।
नागरिक पोष्ट
