९ कार्तिक २०८१, शुक्रबार
नेपाल राष्ट्र बैंकले माघ २६ गते बजारबाट १० अर्ब रुपैयाँ निक्षेप संकलन गर्ने भएको छ । बजारमा अधिक तरलता भइरहेकोले केन्द्रीय बैंकले ७ दिन अवधिका लागि सार्वजनिक बोलकबोल मार्फत १० अर्ब रकम खिच्न लागेको हो ।
उक्त निक्षेप २०८० फागुन ४ गते परिपक्व हुनेछ । राष्ट्र बैंकले एक सूचना जारी गर्दै दरखास्त आह्वान गरेको छ । इच्छुक क, ख र ग वर्गका बैंक तथा वित्तीय संस्थाले शुक्रबार दिउँसो १२ बजेसम्म आवेदन दिन सक्ने जारी सूचनामा उल्लेख छ ।
इच्छुक आवेदकले प्रस्तावित ब्याजदर सहित घटीमा १० करोड र बढीमा ५ करोड रुपैयाँले भाग गर्दा निःशेष भाग जाने गरी आवेदन दिन सक्नेछन् । उक्त निक्षेप संकलनका लागि न्यूनतम ब्याजदर बोलकबोल प्रक्रिया मार्फत तय हुनेछ । बहुब्याजदरमा बहुबोलकबोल पनि गर्न सकिने राष्ट्र बैंकले जनाएको छ ।
नागरिक पोष्ट
