नागरिक पोष्ट
शुक्रबार, १९ माघ २०८०
8161 views
8161 views
काठमाडौं । नेपालकै सबैभन्दा ठूलो र चर्चित क्लब प्लाटिनम ‘डीजे म्याग टप १००’ का लागि मनोनयनमा परेको छ । योसँगै क्लब प्लेटिनम विश्वको सबैभन्दा ठूलो क्लब प्लेटफर्ममा सन् २०२४ का लागि नेपालको प्रतिनिधित्व गर्ने क्लब बनेको छ ।
जहाँ विभिन्न देश र महादेशका नाइट क्लबहरू सहभागी हुन्छन् । युकेस्थित डिजे म्यागले छनौट गर्ने सन् २०२४ को क्लब क्याम्पियनमा काठमाडौंको दरबारमार्गमा रहेको क्लव प्लाटिनम परेको हो ।
हरेक वर्ष विभिन्न मुलुकमा रहेका उत्कृष्ट क्लबहरूको छनौट गर्दै आएको डिजे म्यागको सन् २०२४ का लागि टप १०० का लागि क्लव प्लाटिनम मनोनयनमा परेको हो ।
सन् २०२० मा स्थापना भएको क्लव प्लाटिनमले अन्तर्राष्ट्रिय मापदण्ड समेत पूरा गरेको छ । जसका कारण पनि उक्त सूचीमा क्लव प्लाटिनममा परेको हो ।
नेपालकै सबैभन्दा ठूलो क्लब प्लाटिनमको क्षमता एक हजार ८०० देखि दुई हजार जनासम्म रहेको क्लवका सञ्चालक सञ्जय तामाङ बताउँछन् ।
