इनर व्हिल क्लब अफ चन्द्रागिरीमा नयाँ नेतृत्व चयन

चैत २१, काठमाडौं । इनर व्हिल क्लब अफ चन्द्रागिरीले हालै समाजसेवी मिन्जु शोभा चित्रकारको अध्यक्षतामा २१ सदस्यीय नयाँ कार्यसमिति गठन गरेको छ।

इनर व्हिल अफ कीर्तिपुरकिकी अध्यक्ष मिरा शाहको सभापतित्वमा सम्पन्न उक्त भेलाले क्लबको उपाध्यक्षमा अविना थापा, सचिवमा सुजना श्रेष्ठ र कोषाध्यक्षमा रस्मिता महर्जनलाई चयन गरेको छ। साथै, सदस्यहरूमा सिर्जना श्रेष्ठ, शोनी महर्जन, सरिता देवकोटा खनाल, सगिता सापकोटा, सन्देह खुलाल, रन्जु दवाडी, निशा महर्जन, माया सिटौला, लक्ष्मी महर्जन, इन्दु महर्जन, शारदा श्रेष्ठ, शिला दानी, यशोदा श्रेष्ठ, शमित्रा श्रेष्ठ, सृजना त्रिपाठी मनोनित भएका छन्।

त्यस्तै, आइएसओ पदमा सिर्जना श्रेष्ठ र सम्पादकमा लिजा महर्जनलाई नियुक्त गरिएको क्लबले जनाएको छ। नव गठित सदस्यहरूलाई प्रमाणपत्र वितरण गर्दै कार्यक्रमकी प्रमुख अतिथि इनर व्हिल क्लबकी जिल्ला अध्यक्ष आशा श्रेष्ठले सफल कार्यकालको शुभकामना व्यक्त गरेकी थिइन्।

नव गठित अध्यक्ष मिन्जु शोभा चित्रकारले क्लबको अन्तर्राष्ट्रिय मापदण्ड, समाजका मूल्य तथा मान्यतालाई आत्मसाथ गर्दै महिला सशक्तिकरण, शिक्षा, स्वास्थ्य तथा मानव कल्याणका क्षेत्रमा प्रभावकारी कार्य गर्ने प्रतिबद्धता जनाइन्।

इनर व्हिल अफ कीर्तिपुरको प्रयोजनमा तथा इनर व्हिल क्लब अफ चन्द्रागिरीको आयोजनामा सम्पन्न उक्त कार्यक्रममा इनर व्हिल जिल्ला कार्यसमितिका सदस्यहरू, इनर व्हिल क्लब कीर्तिपुरकिकी संस्थापक अध्यक्ष राज्यलक्ष्मी वैदारसहित काठमाडौं जिल्लाका विभिन्न सरोकार वालाहरूको उपस्थिति रहेको थियो।

इनर व्हिल क्लब एक अन्तर्राष्ट्रिय महिला संस्था हो, जुन रोटरी क्लब अन्तर्गत आबद्ध छ। चन्द्रागिरी क्लबको पहिलो परियोजना आगामी अप्रिल २०२५ मा जेसिस इन्टरनेशनल बोर्डिङ स्कुलको सहकार्यमा सञ्चालन हुने योजना रहेको छ।