२० चैत्र २०८१, बिहीबार
नागरिक पोष्ट
बिहीबार, २० चैत्र २०८१
664 views
664 views
चैत्र २० रौतहट
जिल्लाको कटहरिया नगरपालिकामा निःशुल्क आँखा परीक्षण गरिएको छ । कटहरिया वडा ४ मा गरिएको शिविरमा ४८ जना बिरामीले स्वास्थ्य जाँच गराएका छन् ।
कटहरिया नगरपालिका वडा नम्बर ४ को समन्वयमा नेत्र ज्योती आँखा हस्पिटल प्रालिले सञ्चालन गरेको शिविरमा बिरामीले निःशुल्क स्वास्थ्य उपचार गराएका हुन् ।
जसमध्ये २८ जनामा मोतियाविन्दु समस्या देखापरेको आधारभूत स्वास्थ्य केन्द्र कटहरिया ४ का इन्चार्ज कृषनन्दन साहले जानकारी दिए ।
सो वडामा रहेका आँखाका बिरामीलाई अन्यत्र उपचारका लागि जान नपरोस् भन्ने उद्देश्यका साथ वडामा निःशुल्क आँखाजाँच गरिएको कटहरिया ४ का वडा अध्यक्ष चन्दन कुशवाहाले जानकारी गराए । साथै उनले सबै वडावासीलाई मौकाको फाइदा उठाउनु हुन अनुरोध समेत गरेका छन् ।
शिविर संञ्चालन भइरहेको बेला अुगमन गर्न कटहरियाका प्रमुख प्रशासकिय अधिकृत बिर बहादुर साह पनि सहभागिता रहेको थियो । यस्ता शिविरले ग्रामीण क्षेत्रका सर्वसाधारण लाभान्वित हुने बताए । शिविर उदघाटनको क्रममा कटहरिया ४ का वडा सदस्य रामइश्वर यादव,मेराजुल मियाँ धोबी,एलआइसीका अभिकर्ता जटाशंकर सोनी लगायतका व्यक्तीहरुको उपस्थिती रहेको थियो । कटहरिया वडा नम्बर ६ फतेपुरमा यो आँखा शिविर संञ्चालन गरिएको थियो । यो कार्यक्रमले गर्दा सेवाग्राहिहरु खुसी ब्यक्त गरेका छन।
