२० चैत्र २०८१, बिहीबार
नागरिक पोष्ट
बुधबार, १९ चैत्र २०८१
1905 views
1905 views
काठमाडौं । इन्डियन प्रिमियर लिग (आईपीएल)मा अर्न्तगत जारी खेलमा रोयल च्यालेन्जर बेङ्गलुरु (आरसिबी)ले गुजरात टाईटन्ससामु १७० रनको लक्ष्य प्रस्तुत गरेको छ ।
एम. चिन्नास्वामी रंगशालामा टस हारेर ब्याटिङ गरेको बेङ्गलुरुले निर्धारित २० ओभरमा आठ विकेट गुमाउँदै १६९ रन बनाएको हो ।
बेङ्गलुरुका लागि लियाम लिभिङस्टोनले सर्वाधिक ५४ रन बनाए । ४० बलको सामना गरेका उनले एक चौका र पाँच छक्का प्रहार गरे । त्यस्तै जितेश शर्माले २१ बलमा ३३ रन बनाउँदा विराट कोहली सात रनमा आउट भए । टिम डेभिडले १८ बलमा ३२ रन बनाउँदा कप्तान रजत पाटीदारले १२ रन मात्र बनाउन सके ।
गुजरातका लागि मोहम्मद सिराजले तीन विकेट लिए । चार ओभर बलिङ गरेका उनले १९ रन खर्चिए । त्यस्तै साई किशोरले २ तथा प्रसिद कृष्ण, इशान्त शर्मा, अरशद खानले एक एक विकेट लिए ।
बेङ्गलुरुले आफ्नो पहिलो खेलमा कोलकातालाई र दोस्रो खेलमा चेन्नई सुपर किङ्ग्सलाई हराएको थियो । बेङ्गलुरु ४ अङ्कका साथ तालिकाको शीर्ष स्थानमा छ ।
यस्तै गुजरातले दुई खेलमा एउटा जीत र अर्कोमा हार बेहोरेको छ । गुजरात पहिलो खेलमा पञ्जाब किङ्ग्ससँग पराजित हुँदा दोस्रो खेलमा मुम्बई इन्डियन्सलाई हराएको थियो । गुजरात २ अङ्कका साथ तालिकाको चौथो स्थानमा छ ।
