नागरिक पोष्ट
शनिबार, १ भाद्र २०८१
3962 views
3962 views
रसुवा । पर्यटकीय तथा धार्मिक महत्व बोकेको रसुवाको गोसाइँकुण्डमा जनैपूर्णिमाका दिन लाग्ने मेलाका लागि भक्तजन पुग्ने क्रम जारी रहेको छ ।
गोसाइँकुण्डमा विशेषगरी दशहरा र जनैपूर्णिमाका गरी वर्षमा दुई पटक मेला लाग्ने गर्दछ । यस वर्षको जनैपूर्णिमा आगामी सोमबार परेको छ ।
संघीय राजधानी काठमाडौं लगायत देशका विभिन्न ठाउँबाट श्रद्धालुहरू गोसाइँकुण्ड पुग्ने गर्दछन् । त्यसकारण अन्य दिनहरूको तुलनामा भन्दा जनैपूर्णिमाका दिन कुण्डमा स्नान गर्ने, भगवान शिवको पूजाआराधना गर्ने श्रद्धालुहरूको बाक्लो उपस्थिति रहने गर्दछ ।
गोसाइँकुण्डका वरिपरि अन्य १०८ वटा कुण्ड रहेका छन् । जसमा भैरवकुण्ड, सरस्वतीकुण्ड, पार्वतीकुण्ड, सूर्य कुण्डलगायत छन् ।
यहाँको प्राकृतिक बनावट र कुण्डहरूले गोसाइँकुण्डको गन्तव्यलाई निकै आकर्षक बनाउने गर्दछ, साथमा यात्राका क्रममा भेटिने तामाङ संस्कृति र प्रकृतिका छटाले पनि मन तान्ने गर्दछ ।
