नागरिक पोष्ट
शनिबार, २६ जेष्ठ २०८१
6206 views
6206 views
काठमाडौं। चीनले ताइवानविरुद्ध बदला लिने चेतावनी दिएको छ । ताइवानका राष्ट्रपति लाई चिङ तेले चीनलाई ‘विश्व शान्ति एवम् स्थायित्वका लागि सबैभन्दा ठूलो रणनीतिक चुनौती’ को संज्ञा दिएपछि चीनले उक्त चेतावनी दिएको हो ।
राष्ट्रपति लाईले एक सम्बोधनका क्रममा चीनलाई विश्वका लागि सबैभन्दा ठूलो चुनौती भएको भन्दै आफ्नो रक्षा गर्न अन्य लोकतान्त्रिक मुलुकहरुसँग सहकार्य गर्न तयार रहनुपर्ने उल्लेख गरेका थिए ।
उनको सो सम्बोधनपछि प्रतिक्रिया दिँदै चीनले ताइवानविरुद्ध ‘अपरिभाषित बदला लिने’ चेतावनी दिएको थियो ।
यसअघि चीनले लाई चिङ तेलाई समस्या उत्पन्न गर्ने बदमासको संज्ञा दिएको थियो । लाईले चीनलाई गणतन्त्र चीनको अस्तित्वको यथार्थलाई स्वीकार गर्न पनि आग्रह गरे ।
राष्ट्रपति लाईको सम्बोधनमा उनले चीनलाई ताइवानले कुनै पनि हालतमा आफ्नो स्वतन्त्रता गुम्न नदिने सन्देश दिएको रुपमा विश्लेषण गरिएको छ ।
स्वायत्त लोकतान्त्रिक राजनीतिक प्रणाली रहेको ताइवानलाई जनगणतन्त्र चीनले आफ्नै मुलुकको एक प्रान्तको रुपमा व्याख्या गर्दै आएको छ ।
