नागरिक पोष्ट
शुक्रबार, २५ जेष्ठ २०८१
5254 views
5254 views
काठमाडौं । नेपाल राष्ट्र बैंकले तरलता व्यवस्थापनका लागि बजारबाट फेरि ४० अर्ब रुपैयाँ तान्ने एको छ। राष्ट्र बैंकले निक्षेप संकलन उपकरणमार्फत जेठ २४ देखि असार ६ गतेसम्मका लागि ४० अर्ब निक्षेप संकलन गर्न लागेको हो ।
हालको व्यवस्था अनुसार अन्तर बैंक दर तीन प्रतिशतभन्दा तल रहेको अवस्थामा राष्ट्र बैंकले बजारबाट पैसा झिक्नुपर्छ भने ७ प्रतिशतभन्दा बढी भएपछि बजारमा पैसा पठाउनु पर्छ।
निक्षेप संकलन खरिदका लागि आज अपराह्न ३ बजेसम्म बोलकबोल गर्न राष्ट्र बैंकले बैंक तथा वित्तीय संस्थालाई आग्रह गरेको छ।
बैंक तथा वित्तीय संस्थाले घटीमा १० करोड र बढीमा पाँच करोड रुपैयाँले भाग गर्दा निःशेष भाग जाने गरी बोलकबोल गर्न सक्ने राष्ट्र बैंकको सूचनामा उल्लेख छ। निक्षेप संकलन उपकरणको बोलकबोलमा ‘क’, ‘ख’ र ‘ग’ वर्गका बैंक तथा वित्तीय संस्था मात्र सहभागी हुन पाउने छन।
