नागरिक पोष्ट
बुधबार, १९ बैशाख २०८१
6988 views
6988 views
काठमाडौं । गरिमा विकास बैंकले टोयोटा गाडी खरिद गर्ने ग्राहकहरूलाई आधार दरमै कर्जा उपलब्ध गराउने भएको छ ।
सो कार्यका लागि गरिमा विकास बैंक लिमिटेड र नेपालका लागि टोयोटा गाडीको आधिकारिक वितरक युनाइटेड ट्रेडर्स सिन्डिकेट प्रालिबीच सम्झौता समेत सम्पन्न भएको छ । सम्झौता–पत्रमा बैंकको तर्फबाट प्रमुख कार्यकारी अधिकृत माधव प्रसाद उपाध्याय र युनाइटेड ट्रेडर्स सिन्डिकेटको तर्फबाट वरिष्ठ निर्देशक कैलाश बी राजभण्डारीले हस्ताक्षर गरेका छन् ।
सम्झौता अनुसार टोयोटा गाडी खरिद गर्ने ग्राहकहरुलाई गरिमा विकास बैंकले आधार दर अर्थात् मा नै सवारी कर्जा प्रवाह गर्नुपर्ने छ । यस्तो कर्जाको अवधि अधिकत १२ वर्षको हुने छ ।
ग्राहकहरूले व्यक्तिगत तथा व्यावसायिक दुवै प्रयोजनको लागि टोयोटा ब्राण्डको सवारी साधन खरिद गर्दा यो कर्जा सुविधा प्राप्त गर्ने छन् । सम्झौतापश्चात युनाइटेड ट्रेडर्स सिन्डिकेट प्रालिले गरिमा विकास बैंक लिमिटेडलाई बैंकिङ्ग पार्टनरको रुपमा अघि बढाउने प्रतिवद्धता व्यक्त गरेको छ ।
