६ कार्तिक २०८१, मंगलवार
काठमाडौं। नेपालको मौसममा पश्चिमी वायु तथा स्थानीय वायुको प्रभाव परेको छ। आज बागमती र गण्डकी प्रदेश लगायत देशका पहाडी भू–भागमा आंशिक देखि साधारणतया बदली हुनेछ।
तराईका भू–भागमा भने आंशिक बदली देखि मुख्यतया सफा रहने जल तथा मौसम पूर्वानुमान महाशाखाले जनाएको छ।
बागमती र गण्डकी प्रदेशका केहि स्थानमा सामान्य वर्षा भइरहेको छ। महाशाखाका अनुसार दिउँसो कोशी प्रदेश लगायत देशका पहाडी भू–भागमा आंशिक देखि साधारणतया बदली हुनेछ। कोशी प्रदेशका केही स्थान र मधेश, बागमती तथा गण्डकी प्रदेशका केही स्थानमा मेघगर्जन सहित सामान्य वर्षा हुने सम्भावना छ।
त्यस्तै कोशी र बागमती प्रदेशका उच्च भू–भागका केही स्थानमा हल्का हिमपातको सम्भावना छ। आज काठमाडौं उपत्यकाको न्यूनतम तापक्रम १२ डिग्री सेल्सियस मापन गरिएको छ भने अधिकतम तापक्रम २७ डिग्रीसम्म पुग्ने महाशाखाको अनुमान छ।
नागरिक पोष्ट
