६ कार्तिक २०८१, मंगलवार

ताजा खबर

एन्फा पदाधिकारीलाई कारबाही गर्न खेलकुद मन्त्रालयको निर्देशन

नागरिक पोष्ट

बिहीबार, १ चैत्र २०८०

5968 views

5968 views

एन्फा पदाधिकारीलाई कारबाही गर्न खेलकुद मन्त्रालयको निर्देशन

काठमाडौं । एन्फाका पदाधिकारी अनावश्यक मलेसिया भ्रमणमा गएपछि युवा तथा खेलकुद मन्त्रालयले अखिल नेपाल फुटबल सङ्घ ९एन्फा०लाई कारबाही गर्न राष्ट्रिय खेलकुद परिषद् ९राखेप० लाई पत्राचार गरेको छ ।

राष्ट्रिय खेलकुद ऐन विपरीत एन्फाले १० पदाधिकारीलाई मलेसिया भ्रमणमा पठाएको भन्दै एन्फालाई कारबाही गर्न आज मन्त्रालयले पत्राचार गरेको हो ।


खेलकुद ऐनले गरेको व्यवस्थाअनुसार एन्फाले राखेपबाट स्वीकृति नलिई १० पदाधिकारीलाई मलेसिया भ्रमणमा पठाएको थियो । नेपाली राष्ट्रिय फुटबल टोलीले शुक्रबार मलेसियासँग मैत्रीपूर्ण फुटबल खेल्दैछ । त्यसैका लागि एन्फाले १० जना पदाधिकारीलाई भ्रमणमा लगेको हो ।

नेपाली फुटबल टोली मैत्रीपूर्ण खेलसँगै केही समय मलेसियामा अभ्यास गरेर सन् २०२६ को विश्वकपअन्तर्गत एसियाली छनोट खेल्न बहराइन जाँदैछ । नेपालले विश्वकप छनोट अन्तर्गत बहराइनसँगको दुवै खेल बहराइनमै खेल्नेछ ।


त्रिपुरेश्वरस्थित दशरथ रङ्गशाला अन्तर्राष्ट्रिय मापदण्डअनुसार खेल्न योग्य नभएकोले नेपालले होम र अबे दुवै खेल बहराइनमा खेल्न लागेको एन्फाले जनाएको छ । नेपालले बहराइनसँग पहिलो खेल चैत ८ गते र दोस्रो खेल चैत १३ गते खेल्नेछ ।

विश्वकप छनोटअन्तर्गत एसियाको समूह ‘एच’ मा रहेको नेपालले यसअघिका दुई खेलमा हार खेपेको छ । नेपाल पहिलो खेलमा संयुक्त अरब इमिरेट्स ९युएई० सँग ४–० र दोस्रो खेलमा यमनसँग २–० गोलले पराजित भएको थियो ।

एन्फाले मङ्गलबार खेलाडीबाहेक प्रशिक्षक भिन्सेन्जो अल्बर्टो एनिस, सहायक प्रशिक्षक प्रवेश कटुवाल, गोलरक्षक प्रशिक्षकद्वय विनोद डङ्गोल र मनीष तिम्सिना, टोली व्यवस्थापक उत्तमराज भण्डारी, फिजियो लोकेन्द्र कुँवर, किट व्यवस्थापकमा ज्ञानबहादुर राई, टोली प्रमुखमा उपाध्यक्ष दीपक खतिवडा, एन्फा सदस्य महेन्द्र क्षेत्री, सिईओ इन्द्रमान तुलाधर, एन्फा जिल्ला सदस्यहरू भरत घिमिरे, बुद्धिबहादुर गुरुङ, सुनिल लोप्चन, जयकृष्ण श्रेष्ठ, प्रवीण श्रेष्ठ र सुविनकुमार श्रेष्ठलाई मलेसिया भ्रमणमा पठाएको थियो।

यो खबर पढेर तपाईलाई कस्तो महसुस भयो ?