नागरिक पोष्ट
बिहीबार, २५ माघ २०८०
7243 views
7243 views
काठमाडौं, २५ माघ । नेपाली बजारमा बिहिबार सुन–चाँदीको भाउ घटेको छ। बुधबार तोलामा ६०० रूपैयाँले बढेको सुनको मूल्य बिहिबार २०० रूपैयाँले घटेको हो ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख १८ हजार ४०० रूपैयाँ र तेजाबी सुन प्रतितोला एक लाख १७ हजार ८५० रूपैयाँ निर्धारण भएको छ।
बुधबार छापावाल सुन प्रतितोला एक लाख १८ हजार छ सय रूपैयाँ र तेजाबी सुन प्रतितोला एक लाख १८ हजार ५० रूपैयाँमा कारोबार भएको थियो।
यता चाँदी पनि आज तोलामा ५ रूपैयाँले घटेर प्रतितोला एक हजार तीन सय ७० रूपैयाँमा कारोबार भइरहेको छ।
