काठमाडौं । स्वास्थ्य बीमा बोर्डले स्थानीय तह र प्रदेशबाट सञ्चालित स्वास्थ्य संस्था तथा औषधालयहरुलाई स्वास्थ्य बीमा कार्यक्रम सञ्चालन गर्नका लागि सूचीकरण हुन आउन आह्वान गरेको छ।
सूचीकरणका लागि आवश्यक कागजपत्र
- स्वास्थ्य तथा जनसंख्या मन्त्रालयबाट अस्पताल सञ्चालन गर्ने अधिकारिक निर्णयको प्रमाण वा सम्बन्धित स्थानीय तहको कार्यपालिकाले स्वीकृति गरेको निर्णय।
- स्वास्थ्य तथा जनसंख्या मन्त्रालयवाट ५।१०।१५ शय्याका लागि स्वीकृत गरेको दरबन्दीअनुसारको जनशक्ति व्यवस्थापनको प्रमाण।
- अस्पतालको चिकित्सकिय सेवा, प्रयोगशाला सेवा, इमेजिङ सेवा (एक्स–रे, अल्ट्रा साउन्ड) को सुनिश्चितता भएको हुनुपर्ने।
- आवश्यक भौतिक पूर्वाधार, औजार एवं बेडको उपलब्धता।
- अस्पतालको आफ्नै फार्मेसी सेवा सञ्चालनमा रहेको प्रमाण।
- विद्युतीय चिकित्सा अभिलेख प्रणाली इलेक्ट्रोनिक्स मेडिकल रेकर्ड सिस्टम (ईएमआर) लागू भएको।
- संस्थाको प्यान नम्बर, आधिकारिक सम्पर्क नम्बर र ई–मेल।
- सम्बन्धित स्थानीय तहमा स्वास्थ्य बीमा संयोजन समिति गठन भएको हुनुपर्ने।
- न्यूनतम सेवा मापदण्डको (एमएसएस) स्कोरसहितको प्रतिवेदन।
- अस्पतालमा आधारभूत सरसफाइ एवं फोहोरमैलाको व्यवस्थापनको उचित प्रणाली।
- अस्पतालमा कार्यरत कर्मचारीहरुको तलबभत्ता बैंकमार्फत उपलब्ध गराएको प्रमाण र आफ्नै बैंक खाता सञ्चालन भई नाम उल्लेख भएको चेकको प्रतिलिपि।
नागरिक पोष्ट
