हाथवेको शेयरमा लगानीकर्ताको आकर्षण, मुल्य एक हजार रूपैयाँमाथी

काठमाडौं । प्राथमिक बजारमा प्रतिशेयर ५० रूपैयाँ अंकित मूल्यमानै आईपीओ जारी गरेको हाथवे इन्भेष्टमेन्ट नेपाल लिमिटेडको शेयरमूल्य दोस्रो बजारमा १ हजार रूपैयाँभन्दा माथी पुगेको छ । कम्पनीले गत भदौ २१ गतेदेखि २५ गतेसम्म सर्वसाधारणमा आईपीओ विक्री गरी असोज २ गते बाँडफाँट गरेको थियो । 
छिल्लो कारोबार दिन पुस २३ गते कम्पनीको शेयरमूल्य प्रतिकित्ता १ हजार घद्ध रूपैयाँ ९० पैसा कायम भएको छ । यो दिन कम्पनीको शेयरमूल्य ८ दशमलव ३७ प्रतिशत बढेको हो । असोज २४ गतेदेखि कम्पनीको दोस्रो बजारमा कारोबार सुरु भएको थियो । पहिलो कारोबार दिनमा प्रतिकित्ता २८५ रूपैयाँमा कारोबार खुला भएकोमा पहिलो दिनमै ९ दशमलव ९९ प्रतिशत मूल्य बढेर ३१३ रूपैयाँ ७० पैसा कायम भएको थियो ।

हालसम्म दोस्रो बजारमा कम्पनीको ४९ दिन शेयर कारोबार भएको छ । कम्पनीको शेयरमूल्य निरन्तर बढ्दो क्रममै रहेको छ । पहिलो वर्षनै शेयरधनीहरूलाई लाभांश दिन सफल भएकाले पनि कम्पनीको शेयरप्रति लगानीकर्ताको आकर्षण बढी भएको हो ।

गत आर्थिक वर्षको मुनाफाबाट कम्पनीले १० प्रतिशत बोनस शेयर र कर प्रयोजनका लागि शून्य दशमलव ५३ प्रतिशत नगद लाभांश वितरण गर्ने प्रस्ताव पारित गरेको छ । प्रस्तावित लाभांश कम्पनीले पुस २६ गते १५औं वार्षिक साधारण सभा आयोजना गरी पारित गर्दैछ । यो बीचमा कम्पनीको शेयरमूल्य बोनस शेयर प्रयोजनका लागि समायोजन समेत भएको छ । पुस ११ गते कम्पनीको १० प्रतिशत बोनस शेयर प्रयोजनका लागि उक्त दिन कायम अन्तिम शेयरमूल्य ७९६ रूपैयाँ ५० पैसाका आधारमा मूल्य समायोजन गरी नेप्सेले बोनस पछिको मूल्य ७२४ रूपैयाँ ९ पैसा तोकेको थियो । समायोजपछि पनि कम्पनीको शेयरमूल्य बढेको हो । 

२०६५ साल चैत १४ गते नेपाल सरकार, कम्पनी रजिष्ट्रारको कार्यालयमा दर्ता भई सोही मितिदेखि यो कम्पनी सञ्चालनमा रहेको छ । यस कम्पनीमा नेपालका ख्याती प्राप्त युवा व्यवसायी, उद्यमी, चार्टर्ड एकाउन्टेन्ट, अन्य प्रोफेसनल लगायतका प्रबुद्ध व्यक्तिहरूको लगानी रहेको छ ।

यस कम्पनीले नेपालको पूँजीबजार र लगानीका अन्य क्षेत्रहरुमा आफ्नो लगानी गरी आफुलाई एक सफल कम्पनीको रुपमा उभ्याउन सफल भएको छ । यस कम्पनीले पूँजीबजारको अतिरित्त जलविद्युत, रियल स्टेट, आर्थिक, पर्यटन र स्वः पूँजीको क्षेत्रमा आफ्ना लगानीलाई विस्तार गरी मुलुककको आर्थिक विकासमा योगदान पु¥याउदैं आएको छ ।