७ कार्तिक २०८१, बुधबार
काठमाडौँ । स्पेनिस ला लिगामा एट्लेटिको मड्रिडले जित निकालेको छ । गएराति भएको खेलमा डिपोर्टिभो अलाभेसलाई २–१ गोलले हराउँदै एट्लेटिको विजयी भएको हो ।
एट्लेटिकोका अल्भारो मोरटा र रोड्रिगो विक्वेल्मीले एक–एक गोल गरेका थिए भने एन्डर गुइभाराले एक गोल फर्काएका थिए ।
यो जितसँगै एट्लेटिको १० खेलबाट २५ अंकसहित तेस्रो स्थानमा उक्लिएको छ । पराजित भएको डिपोर्टिभो अलाभेस ९ अंकसहित १७औँ स्थानमा छ ।
एक खेल बढी खेलेका रियाल मड्रिड र जिरोना समान २८ अंकसहित क्रमशः शीर्ष र दोस्रो स्थानमा छन् । २४ अंक रहेको बार्सिलोना चौथो स्थानमा छ ।
नागरिक पोष्ट
