नागरिक पोष्ट
मंगलवार, २६ असार २०८१
4404 views
4404 views
काठमाडौं । फ्रान्समा चुनावी परिणामलाई लिएर गतिरोधका बीच राष्ट्रपति इमानुएल म्याक्रोनले प्रधानमन्त्री ग्याब्रियल एटेललाई प्रधानमन्त्री पदमा कायम रहन आग्रह गरेका छन्। राष्ट्रपति म्याक्रोनले देशको स्थायित्वका लागि एटेल प्रधानमन्त्री रहनु आवश्यक रहेको बताएका छन् ।
फ्रान्सको आम निर्वाचनमा म्याक्रोनको पार्टी दोस्रो स्थानमा आएपछि एटेलले राजीनामाको प्रस्ताव गरेका थिए । उनले आइतबार नै नतिजा आएलगत्तै राजीनामा दिने कुरा गरेका थिए । फ्रान्समा भएको दोस्रो चरणको आम निर्वाचनमा वाम गठबन्धन-न्यु पपुलर फ्रन्टले सबैभन्दा बढी सिट ल्याएको छ भने पहिलो चरणमा नराम्रोसँग पछाडि परेको म्याक्रोनको केन्द्रवादी पार्टीले अपेक्षाभन्दा राम्रो प्रदर्शन गर्दै दोस्रो स्थान हासिल गरेको छ ।
पहिलो चरणमा सबैभन्दा बढी मत प्राप्त गर्ने अति दक्षिणपन्थी नेशनल र्याली पार्टी तेस्रो स्थानमा रह्यो। तर तीमध्ये कसैसँग पनि बहुमत नपुगेको र फ्रान्समा त्रिशंकु संसदको अवस्था सिर्जना भएको छ ।
