नागरिक पोष्ट
आईतवार, २४ असार २०८१
4217 views
4217 views
काठमाडौँ । भारतले पहिलो पटक रुसतर्फ आलुमिनियम निर्यात गरेको पाइएको छ ।
भारतीय भन्सारले उपलब्ध गराएको तथ्यांकमा सन् २०२४ को अप्रिल महिनामा रुसतर्फ ४४ हजार ८ सय टन आलुमिनियम निर्यात गरेको उल्लेख छ ।
रुसी समाचार संस्था स्तुत्निकले जनाएअनुसार यसको मूल्य १ करोड ६५ लाख डलर हुन आउँछ ।
विश्वमा रुस आफैँमा महत्वपूर्ण आलुमिनियमको निर्यातकर्ता मुलुक हो ।
सन् २०२३ मा रुसले ६ अर्ब ५० करोड डलरभन्दा धेरैको आलुमिनियम निर्यात गरेको थियो ।
युक्रेनमा जारी युद्धलाई लिएर पश्चिमा मुलुकले रुसमाथि प्रतिबन्ध लगाइरहेको अवस्थामा रुसलाई भारतले आलुमिनियम निर्यात गरेको घटनालाई निकै अर्थपूर्ण रुपमा लिइएको छ ।
