“विषाधिरहित भान्सा र जीवन सुरक्षा सम्वन्धि दुईदिने प्रशिक्षण सम्पन्न

काठमाडौँ । सूर्यविनायक नगरपालिका, वडा ७ द्धरा “विषाधिरहित भान्सा र जीवन सुरक्षा सम्वन्धि दुईदिने प्रशिक्षण सम्पन्न भएको छ ।
वडा अन्तर्गत स्थानीय महिला समुहलाई सो तालिम आयोजना गरिएको थियो ।

सूर्यविनायक नगरपालिका ७ र संवाहिका समाज नेपालको सहकार्यमा विषदीरहित भान्सा र जीवन सुरक्षासम्बन्धी जेठ ११ र १२ गते सूर्यविनायक नगरपालिका, वडा ७ गुण्डु स्थित सभाहलमा सञ्चालन गरिएको थियो ।

पूर्वमन्त्री महेश बस्नेतले स्थानीय महिला समुहलाई लक्ष्यित गरी आयोजित तालिमले स्वच्छ र सन्तुलित खाना बनाएर परिवारको स्वास्थ्य सुरक्षा गर्न महिला सक्षम बनाउने बताए ।

उनले,“विगतमा तरकारी, खाना र अन्न प्राकृतिक रूपमै स्वच्छ हुन्थ्यो, खाना कसरी मिठो खाने भन्ने ध्येय हुन्थ्यो भने हाल मानिसमा चेतनाको वृद्धि भएकोले सन्तुलित र स्वच्छ खानाबारे जागरण बढेको छ भन्दै यस्ता तालिमहरू समुदायकाे लागि आवश्यक भएकाे बताए । ”

पूर्व मन्त्री बस्नेतले सूर्यविनायकका बासिन्दाले हाल सडक, बाटोघाटोलगायतको विकासको अनूभुति गरिरहँदा जीवन सुरक्षासहित रोगबाट बच्न स्वच्छ भान्सा र पोषणयुक्त र विषाधिरहित खाना जीवनशैलीका लागि पनि वडा, नगरले यस्ता सचेतनामुलक कार्यक्रमको आयोजना गर्दै स्वच्छ नागरिक अभियानमा अगाडि बढ्नु निक्कै सह्रानीय कदम चालेको बताएका छन्।

सूर्यविनायक नगर–७ का अध्यक्ष रविन्द्र सापकोटाले सूर्यविनायक क्षेत्रको भौतिक विकाससँगै स्वस्थ नागरिक जीवनशैलीका लागि पनि वडाले पहल गरिरहेको बताए ।

अध्यक्ष सापकोटाले स्थानीयको जागरणका लागि सानो बजेट छुटट्याएर संवाहिका समाज नेपालसँगको सहकार्यमा स्थानीय महिला समुहलाई लक्ष्यित गरी हाल चुनौतिपूर्ण बन्दै गएको स्वच्छ भान्साबारे प्रशिक्षणको आयोजना गरेको बताए ।

कार्यक्रममा पोषणविद् सुजा मोक्तानले पोषणयुक्त सन्तुलित आहारबारे प्रशिक्षण दिंदै खाना मिलाएर खाना नजान्दा हाल रोग बढिरहेको चर्चा गरिन् ।

प्रशिक्षण कार्यक्रमको दोस्रो दिन शनिवार काठमाडौँ महानगरपालिकाका खाद्य अनुसन्धान अधिकृत अनिल बस्नेतले खाद्य सुरक्षा र विषाधिबारे प्रशिक्षण दिएका हुन् ।

संवाहिका समाज नेपालका सचिव कविता थापाले सूर्यविनायक नगर–७ का स्थानीय महिलाका लागि विषाधिरहित भान्सा र जीवनशैलीबारे प्रशिक्षणका लागि सहकार्य गर्ने अवसर पाउँदा खुसी लागेको बताइन् ।

प्रशिक्षण समापन समारोहका सभापति सन्तोषि परियारले महिलाले भात, भान्सा गर्दै रोजगारी र अन्य नेतृत्वदायी भूमिका पनि निर्वाह गर्नुपर्ने अहिलेको अवस्थामा आफ्नो र परिवारको समेत स्वास्थ्यको हेरचाह गर्न यस्ता तालिम, प्रशिक्षणले सहयोग पुग्ने बताइन ।

सो प्रशिक्षणमा स्थानीय सहकारीका अध्यक्षलगायत पदाधिकारीहरू, आमा समुह, महिला समुह र महिला स्वास्थ्य स्वयमसेविकाहरूको ५० जना भन्दा बढिको सहभागिता रहेको थियो ।