१९ चैत्र २०८१, बुधबार
नागरिक पोष्ट
मंगलवार, ११ बैशाख २०८१
11068 views
11068 views
काठमाडौं । ३३ वटा राजनीतिक दललाई निर्वाचन आयोगले स्पष्टिकरण पेश गर्न सूचना जारी गरेको छ । आयोगले ३३ वटा राजनीतिक दलहरुले आफ्नो विवरण पेश नगरेको हुनाले स्पष्टिकरण पेश गर्न भनिएकोे छ ।
आयोगले वार्षिक आयव्यय नबुझाउने र बुझाएपनि तोकिएको मिति भित्र नबुझाउने तीस वटा राजनीतिक दललाई स्पष्टीकरण सोधेको हो । स्पष्टिकरण सोधिएका दलमा सरकार समर्थित र संसदमा प्रतिनिधित्व गर्ने समेत छन् ।
ढिलो गरि विवरण वुझाएका डाक्टर बाबुराम भट्टराई नेतृत्वको नयाँशक्ति पार्टी सहित १२ दल र अहिले सम्म विवरण नवुझाएका १८ राजनीतिक दल रहेको आयोगले जनाएको छ । सरकारलाई सर्मथन गरेको संघीय समाजबादी फोरम नेपाल, संघीय लोकतान्त्रिक राष्ट्रिय मञ्च थारुहट लगायत दलले समेत आयव्यायको विवरण ढिलागरि वुझाएका छन् ।
आयोगले जरिवाना गर्नुनपर्ने कुनै आधार वा कुनै कारण भए आगामी ३ दिनभित्रमा स्पष्टीकरण पेश गर्न समेत निर्देशन दिएको छ ।
