नागरिक पोष्ट
आईतवार, ९ बैशाख २०८१
12530 views
12530 views
काठमाडौं । २०८१ साल लागेसँगै देशभर गर्मी बढ्दै गएको छ । तराई मधेशका जिल्लाहरुमा चर्को घाम लाग्ने र तातो हावा चल्ने भइरहेको छ ।
नेपालगञ्ज, दाङ, भैरहवा, नवलपुर, चितवन लगायतका जिल्लाहरुमा गर्मी अत्यधिक हुन थालेको छ । चौबिस घण्टामा रुपन्देहीको भैरहवामा सबैभन्दा धेरै गर्मी महसुस भएको छ । भैरहवाको अधिकतम तापक्रम ४३.६ डिग्री सेल्सियस मापन भएको मौसम पूर्वानुमान महाशाखाले जनाएको छ । अघिल्लो दिन भैरहवाको अधिकतम तापक्रम ४१.९ डिग्री सेल्सियस थियो ।
यसैगरी शनिबार धनगढीमा ४०.६ र नेपालगञ्जमा ४०.७ डिग्री सेल्सियस अधिकतम तापक्रम मापन भएको छ । बढ्दो गर्मीले जनजीवन प्रभावित समेत भएको छ ।
