नागरिक पोष्ट
सोमबार, २६ चैत्र २०८०
8246 views
8246 views
काठमाडौं । सिटिजन्स बैंकले १७औँ वार्षिकोत्सवलाई मध्यनजर गरेर शनिबार निःशुल्क स्वास्थ्य शिविरहरू सञ्चालन गरेको छ । बैंकले सुदूरपश्चिम प्रदेशको सुख्खड शाखा र वाग्मती प्रदेशको कपन शाखाको सक्रियतामा निःशुल्क स्वास्थ्य शिविरको आयोजना गरेको हो ।
संस्थागत सामाजिक उत्तरदायित्व अन्तर्गत बैंकले घोडाघोडी नगरपालिका–८ आमफाँटा कैलालीमा अवस्थित स्थानीय सीएस अस्पतालसँगको सहकार्यमा निःशुल्क स्वास्थ्य परीक्षणका साथै निःशुल्क औषधि वितरण गरको छ ।
यसैगरी, वाग्मती प्रदेशको काठमाडौं जिल्लाअन्तर्गत कपन शाखाले नेपलिज सोसाइटी अफ कम्युनिटी मेडिसिनमा आबद्ध विशेषज्ञ चिकित्सक तथा स्वास्थ्यकर्मीहरूको सहकार्यमा स्वास्थ्य शिविर सञ्चालन गरेको छ । कार्यक्रममा सरस्वतीनगरको परिक्रमा र्यालीका साथै नसर्ने रोग र मानसिक स्वास्थ्य सम्बन्धी कक्षा सञ्चालन पनि भएको थियो ।
यसका साथै बिरामीहरूको रक्तचाप, मधुमेह परीक्षणलगायत मानसिक स्वास्थ्य परामर्श र स्क्रिनिङ पनि गरिएको थियो ।
स्वास्थ्य शिविरहरूमा करिब ३५० जना व्यक्तिहरूले स्वास्थ्य सेवा लिएको बैंकले जनाएको छ । वैशाख ७ गते बैंकको वार्षिकोत्सव हो ।
