१५ कार्तिक २०८१, बिहीबार
काठमाडौं, २२ चैत । एनएमबि बैंकको सेयर लिलामीका लागि आवेदन दिने आज अन्तिम बाँकी रहेको छ । बैंकले ५२ हजार १ सय ७२ कित्ता संस्थापक सेयर लिलामी बिक्रीमा ल्याएको थियो ।
सेयरमा आवेदन दिनका लागि लगानीकर्ताहरूले आज कार्यालय समयसम्म आवेदन पेश गर्नुपर्नेछ । सेयरमा बैंकका विद्यमान संस्थापक सेयरधनीहरूसहित इच्छुक व्यक्ति र संघसंस्थाहरूले पनि आवेदन दिन पाउनेछन्।
यसका लागि लगानीकर्ता तथा सेयरधनीहरूलाइ घटीमा १२० रुपैयाँ तोकिएको छ भने यसभन्दा बढी मूल्य कबोल गरेर गोप्य शिलबन्दी बोलपत्र पेश गर्नुपर्नेछ ।
सेयर भर्न चाहने आवेदकले एनएमबि क्यापिटल, बालुवाटारमा सेयर लीलामीका लागि बोलपत्र पेश गर्नुपर्नेछ । जसमा आफूले लिन चाहेको सेयरको संख्या र बोलकबोलको रकम तोक्नुपर्नेछ । बैंकले चैत १६ गतेदेखि सेयर लिलामीको बिक्री खुलाएको थियो । बिक्री प्रबन्धकमा एनएमबि क्यापिटल रहेको छ ।
नागरिक पोष्ट
