नागरिक पोष्ट
बिहीबार, ३ फाल्गुन २०८०
10881 views
10881 views
काठमाडौँ । माल्दिभ्सले ८ नेपालीसहित १२ देशका १८६ जना नागरिकलाई देश निकाला गरेको छ। अन्तर्राष्ट्रिय सञ्चार माध्यमहरूका अनुसार देश निकाला गरिएकामा नेपालका ८, भारतका ४३, बङ्गलादेशका ८३ र श्रीलंकाका २५ जनासहित अन्य मुलुकका गरी १८६ जना नागरिक रहेका छन्।
भिसा उल्लंघन र लागुऔषध सम्बन्धी अपराधमा संलग्न रहेको आरोपमा उनीहरूलाई देश निकाला गरिएको बताइएको छ। गैर कानूनी रूपमा सञ्चालित व्यवसायहरूलाई नियन्त्रण गर्न यस्तो कदम उठाइएको माल्दिभ्सका गृह मन्त्री अलि इहुसानले बताए।
यस विषयमा नेपाल सरकारलाई कुनै जानकारी नभएको परराष्ट्र मन्त्रालयले बताएको छ।
