१२ असार २०८१, मंगलवार
१२ असार २०८१, मंगलवार
काठमाडौं । नेपाली कांग्रेसकी सांसद डा. आरजु राणा देउवाले संसद्मा प्रस्तुत आगामी आर्थिक वर्षको बजेटमा उल्लेखित कर व्यवस्थामाथि प्रश्न गरेकी छन् ।
प्रतिनिधिसभाको आइतबारको बैठकमा बजेटमाथि विभिन्न मन्त्रालयगत छलफलमा भाग लिने क्रममा उनले यस्तो बताएकी हुन् ।
राणाले नयाँ कर व्यवस्थामा केही विशेष व्यापारिक समूहलाई प्रत्यक्ष लाभ हुने आशंका देखिएको बताइन् ।
‘ससंद्मा प्रस्तुत बजेट र आर्थिक विधेयकका केही व्यवस्था हेर्दा विशेष व्यापारिक समूहलाई प्रत्यक्ष कर छल्न सजिलो हुने नीति ल्याइएको हो कि जस्तो आभाष भएको छ’, उनले भनिन्, ‘आयकर ऐनको धारा ५७ (१) को प्रस्तावित प्रावधानमा मैले कुनै आर्थिक वा प्रशासनिक तर्क देख्न सकेको छैन । यदि समस्या भए हामीले नियम वा निर्देशिकामार्फत सच्याउन सक्छौँ ।’
नागरिक पोष्ट
