लगानी सम्मेलन सम्पन्न, निजी क्षेत्रको १० अर्ब लगानी प्रतिबद्धता

नागरिक पोष्ट

मंगलवार, १८ बैशाख २०८१

5084 views

लगानी सम्मेलन सम्पन्न, निजी क्षेत्रको १० अर्ब लगानी प्रतिबद्धता

काठमाडौं – सरकार र निजी क्षेत्रले आयोजना गरेको ‘उदयीमान नेपाल लगानी सम्मेलन २०२४’ सम्पन्न भएको छ । आइतबारदेखि शुरू भई दुई दिनसम्म चलेको सम्मेलनमा निजी क्षेत्रले १० अर्ब लगानीको प्रतिबद्धता गरेको छ तर सरकारले अघि सारेका कुनै पनि आयोजनामा लगानीकर्तासँग परियोजना विकास सम्झौता ९पीडीए० र परियोजना लगानी सम्झौता ९पीआइए० हुन सकेन ।

प्रधानमन्त्री अध्यक्षताको लगानी बोर्ड नेपाल र नेपाल उद्योग वाणिज्य महासंघ लगायत निजी क्षेत्रको सह–आयोजना रहेको सम्मेलन काठमाडौंको पाँचतारे होटल सोल्टीमा आयोजना गरिएको थियो । सम्मेलनमा सरकारले आशयपत्र आह्वान गरिएका २० सहित १५४ आयोजनारपरियोजना प्रस्तुत गरेको थियो ।
लगानीमैत्री वातावरण प्रत्याभूत गराइ ती परियोजनामा लगानी जुटाउने भन्दै सरकारले अध्यादेशमार्फत विभिन्न आठ कानून संशोधन गरेको थियो । ‘लगानी सहजीकरण सम्बन्धी केही नेपाल ऐनलाई संशोधन गर्ने अध्यादेश, २०८१’ लाई राष्ट्रपति रामचन्द्र पौडेलले लगानी सम्मेलनको जारी गरेका थिए ।