नागरिक पोष्ट
शुक्रबार, २२ कार्तिक २०८२
1157 views
1157 views
काठमाडौं– काठमाडौं महानगर–८ जयबागेश्वरी गायत्री मार्गमा रहेको छैटौँ शताब्दीको ऐतिहासिक ब्रह्मा मन्दिरको पुनः निर्माण गरिएको छ ।
पुनः निर्माण सम्पन्न भएको शुक्रबार ब्रह्मा मन्दिरको काठमाडौं महानगरका प्रमुख बालेन्द्र शाह र उपप्रमुख सुनिता डंगोलले उद्घाटन गरे ।
मन्दिरको उद्घाटन पनि महानगर प्रमुख बालेन्द्र शाह कार्यक्रमबाट बाहिरिएका थिए भने उपप्रमुख डंगोलले छैटौँ शताब्दीको ऐतिहासिक ब्रह्मा मन्दिर पुनः निर्माण हुन ऐतिहासिक कार्य भएको बताइन् । डंगोलले सम्पदा संरक्षणमा महानगरले प्रमुखताका साथ काम गरिरहेको उल्लेख गरिन् ।
महानगरबाट हराएका मूर्त तथा अमूर्त सम्पदाहरूलाई पुनर्स्थापन पर्ने काम गरिरहेको र अन्य देशमा रहेका नेपालका मूर्तिहरूलाई स्वदेश फर्काउन पनि पहल गरिरहेको उनले बताइन् ।
काठमाडौं महानगर वडा ८ का वडाअध्यक्ष आशामान संगतले दुई तल्ला रहेको प्यागोडा शैलीमा मन्दिर निर्माण गरिएको जानकारी दिए ।
उक्त ऐतिहासिक मन्दिरको गत माघ ७ गते पुनः निर्माणका लागि शिलान्यास गरिएको थियो । हराएकै एक सय वर्षभन्दा धेरै समय भएको मन्दिरको ऐतिहासिकता उत्खनन गरिएको हो ।
